میرێ‌ ئێزدیان دیاركركو ئەڤرۆ 30/9/2017 جڤاتا بلند یا روحانیا ئێزدیان ل قەزا شێخان بریار دان ئەڤ سالا رێ‌ و رەسمێن ئاینی یێن جەژنا جەمایێ‌ ل پەرستگەها لالش نەهێنە گێران.

میر تەحسین سەعید بەگ میرێ‌ ئێزدیان دیاركر:" جەژنا جەمایێ‌ سالانە ل 6/10 دهێتە رێڤەبرن ل پەرستگەها لالش بۆ ماوی 7 رۆژان بەردەوامێ‌ گێرانا رێ‌ و رەسمێن جەژنا جەمایێ‌ دهاتە دان ل پەرستگەها لالش لێ‌ ئەڤ سالا ژی ژبەر مالۆیرانیێ‌ و كارەساتا بسەری مللەتی مە ئێزدی هاتی مە بریار دا رێ‌ و رەسمێن جەژنا جەمایێ‌ نەهێنە كرن ل پەرستگەها لالش ئەڤە ماوی چەند سالانە ئێزدی رێ‌ و رەسمێن جەژنا جەمایێ‌ ناكەن ژبەر كارەساتا شنگال روودایێ‌".

جەژنا جەمایێ‌ ئێكە ژ جەژنێن هەرە پیرۆز ل دەڤ كوردێن ئێزدی و سالانە هژمارەكا زۆر ئێزدیان سەرانسەری جیهانی قەستا پەرستگەها لالش دكرن بۆ گێرانا رێ‌ ورەسمێن جەژنێ‌.












باسنیوز