نووسەرێکی نزیک لە جەلال تاڵەبانی وەڵامی وەزیری دەرەوەی ئەمریکا دەداتەوە
کامەران قەرەداغی، نووسەر و بەڕێوەبەری پێشووی نووسینگەی جەلال تاڵەبانی، سەرۆک کۆماری پێشووی عێراق لە هەژماری تایبەتیی خۆی لە تۆڕی کۆمەڵایەتیی (تویتەر) ئاماژەی بەوە کردووە، کە ریکس تیلەرسۆن پشتگیریی خۆی بۆ ”عێراقێکی یەکگرتوو، فیدڕالی، دیموکراتیی و پێشکەوتوو“ دەربڕیوە.
کامەران قەرەداغی لە وەڵامی ریکس تیلەرسۆندا رایگەیاندووە، ”بەداخەوە، عێراق هیچ یەکێک لەو سیفەتانەی نییە“.
بەهۆی دەستبەسەرداگرتنی حکوومەتی عێراق لەلایەن حزب و لایەنە شیعییەکانەوە، میلیشیا چەکدارییە شیعەکان حوکمڕانیی شەقامی عێراقی دەکەن و بە ئارەزووی خۆیان خەڵک دەڕفێنن و دەکوژن، جگە لە قەدەغەکردنی مافە ئاساییەکانی خەڵک، کە لەگەڵ بیروباوەڕی شیعەمەزهەبەکان یەک ناگرێتەوە.
باسنیوز
