تۆڕی گه‌نجانی نیشتیمان، كه‌ له‌ كۆمه‌ڵێك گه‌نجانی كورد و نه‌ته‌وه‌ی دیكه‌ پێكهاتووه‌، دژی ڕاگرتنی گه‌شته‌ ئاسمانییه‌كانی هه‌رێمی كوردستان له‌لایه‌ن حكومه‌تی عێڕاقه‌وه‌، گردبوونه‌وه‌یه‌ك به‌ ناوی (ئاسمان موڵكی ئه‌ستێره‌كانه‌) ڕێكده‌خه‌ن و وه‌ك خۆیان باسی ده‌كه‌ن، چه‌ندین باڵۆنی ئاشتی بۆ ئاسمان هه‌ڵده‌ده‌ن.

خۆبه‌خشانى تۆڕى گه‌نجانى نیشتمان، ئێواره‌ى ئه‌مڕۆ هه‌ینی 29/ 9/2017 كاتژمَر 4:00 به‌هه‌زاران په‌یامی ئاشتى له‌ ڕێگه‌ى باڵۆنه‌وه‌ بۆ ئاسمانى شارى هه‌ولێر به‌رز ده‌كه‌نه‌وه‌.

هه‌روه‌ها وه‌ك له‌ ڕاگه‌یاندراوێكدا هاتووه‌، چەندین چالاکی کچان و کوران ئەنجام دەدرێن، وەک رێگەیەکی ئاشتیخوازانە تاوەکو داوای رەتکردنەوەی بڕیاری ڕاگرتنی گەشتە نێودەوڵەتیەکانی کوردستان بکات.

بڕیاره‌ چالاکیییه‌كان لە ناو فڕۆکەخانەی نێودەوڵەتی هەولێر و فڕۆكه‌خانه‌ى نێوده‌وڵه‌تى سلێمانی ئەنجام دەدرێت.











باسنيوز