کۆمپانیای فڕۆکەوانیی تورکیش ئێرلاین تاوەکو ئێستاش بلیتی گەشتی نێوان ھەولێر _ئیستەنبوڵ و سلێمانی_ ئیستەنبوڵ دەفرۆشێت و هەموو کەسێک دەتوانیت لەسەر ماڵپەڕەکەی بە شێوەی ئۆن لایەن بلیت بۆ دوای رۆژی هەینی 29/9/2017ش ببڕێت.



رۆژنامەی (جومھوریەت)ـی تورکی بڵاوی کردوەتەوە، کە ئەگەرچی تورکیا رایگەیاندووە، پابەند دەبـێ بە بڕیارەکانی حکوومەتی عێڕاق بە راگرتنی گەشتە ئاسمانییەکان بۆ فڕۆکەخانەکانی هەرێمی کوردستان، بەڵام کۆمپانیای تورکیش ئێرلاین بۆ رۆژانی دوای ھەینیش بلێت دەفرۆشێت.



رۆژی چوارشەممە 27/9/2017، کۆمپانیاکە لە بەیاننامەیەکدا رایگەیاند، کە گەشتەکانی بۆ هەردوو فڕۆکەخانەی نێودەوڵەتیی هەولێر و سلێمانی رانەگرتووە و هیچ ئاگادار کردنەوەیەکیشی بۆ راگرتنیان، پێ نەگەیشتووە.





باسنيوز