به‌ڕێوه‌به‌رى كاروباری شه‌هیدان و ئه‌نفالكراوانى سۆران، موژده‌ به‌ كه‌سوكارى شه‌هیدان ده‌دات، كه‌ له‌ داهاتوویه‌كی نزیكدا یه‌كه‌ی نیشته‌جێبوونیان به‌سه‌ردا دابه‌ش ده‌كرێت.



ئه‌شقى مه‌لا، به‌ڕێوه‌به‌رى كاروباری شه‌هیدان و ئه‌نفالكراوانى سۆران، راگه‌یاند: "وه‌ك خزمه‌تێك به‌ كه‌سوكارى شه‌هیده‌ سه‌ربه‌رزه‌كانى شه‌ڕى دژ به‌ داعش، دواى هه‌وڵى به‌رده‌واممان له‌گه‌ڵ لایه‌نى په‌یوه‌ندیدارى سنووره‌كه‌مان،وابڕیاره‌ له‌ ماوه‌یه‌كى نزیكدا شوقه‌ى نیشته‌جێبوون به‌سه‌ر كه‌سوكارى شه‌هیدانى ده‌ڤه‌رى سۆران دابه‌ش بكرێت".



ڕوونیشیكرده‌وه‌: "ئه‌گه‌رچى بڕیاربوو ئه‌م شوقانه‌ زووتر دابه‌ش بكرێن، به‌ڵام به‌هۆى چه‌ند كه‌موكوڕییه‌كى خزمه‌تگوزارییه‌وه‌ دواخران، به‌ڵام خۆشبه‌ختانه‌ به‌ هاوكارى قائیمقامى سۆران و لایه‌نه‌ په‌یوه‌ندیداره‌كان، ئه‌م كێشه‌ و گرفتانه‌ چاره‌سه‌ر كراون و له‌ رۆژانی داهاتوودا ده‌ست به‌دابه‌شكردنیان ده‌كه‌ین".

bas news-