وه‌كو ناڕه‌زاییه‌ك له‌به‌رامبه‌ر بڕیار و ڕێكاره‌كانی په‌رله‌مانی عێراق كه‌ ئه‌مڕۆ له‌ دژی هه‌رێمی كوردستان ده‌ریكرد گردبوونه‌وه‌یه‌ك له‌ هه‌ولێر ئه‌نجام ده‌درێت.



به‌پێی ڕاگه‌یه‌نراوێك كه‌ وێنه‌یه‌كی بۆ(باسنیوز)نێردراوه‌ ژماره‌یه‌ك له‌ رێكخراوه‌كانی كۆمه‌ڵی مه‌ده‌نی سبه‌ی پێنجشه‌ممه‌(28-9-2017) گردبوونه‌وه‌یه‌ك له‌ به‌رده‌م نووسینگه‌ی په‌رله‌مانی عێراق له‌ شاری هه‌ولێر ئه‌نجام ده‌ده‌ن.



ڕوونیشكراوه‌ته‌وه‌ كه‌ گردبوونه‌وه‌كه‌ كاتژمێر(11:30) خوله‌كی نیوه‌ڕۆ ئه‌نجام ده‌درێت.



ئەمڕۆ دووشەممە 27/9/2017، پەرلەمانی عێراق بە سەرۆکایەتیی هومام حەمودی، جێگری یەکەمی سەرۆکی پەرلەمان لەبارەی ڕیفراندۆمی سەربەخۆیی کوردستان کۆبووەوە کە تێیدا هەریەک لە حەیدەر عەبادی، سەرۆک وەزیرانی عێراق، وەزیرانی (ناوخۆ، بەرگری و نەوت) لەگەڵ فالح فەیاز، ڕاوێژکاری ئاسایشی نیشتمانیی عێراق ئاماده‌ی بوون.
bas news-