پارێزگارێ دھۆکێ ل قوتابخانا سییەنا ل دھوکێ دەنگ بۆ ریفراندۆما سەربخویا کوردستانێ دا.

فەرھاد ئەمین ئەتروشی ، پارێزگارێ دھۆکێ دیارکر:" خەونا مە ھەموویان ئەڤرۆکە بوو راستی. ئەز ھەست دکەم ب ڤێ دەنگدانێ ئەز یێ وەفادارم بۆ گیانێ وان کەسێن سالێن بیستا و سیھا ھاتینە شەھید کرن و شۆرەشا ئیلونێ و گولانێ وسەرھلدانێ و ھەتا شۆرەشا مەزن شەرێ دژی داعش وھەموو شەھیدێن کوردستانێ. ئەڤرو روژا ھندێ یە رێز و قەدرێ وان شەھیدان ب ھێتە دان کو ئەم ھەموو پێکڤە دەنگ ب بەلێ بدەین بۆ دەولەتا کوردستانێ ".

خویا ژی کر:" داخاز ژ خەلکێ خۆ دکەین ھەمی پێکڤە بھێنە سەر سندوقێن دەنگدانێ ھەر دەنگەک دەنگەکە و کەس نەبێژیت دەنگێ من چ نینە بلا نەچم ، دەنگێ ھەر ئێکی کاریگەری ھەیە ھندی دەنگەکێ بەلێ زێدە ببیت دێ ھێزەکا مەزنتر دەتە حکومەتا ھەرێما کوردستانێ و دەستھەلاتدارێن کوردستانێ ل ھەموو جھان".










باسنيوز