بڕیاری کۆتایی لەبارەی ئەنجامدانی ڕیفراندۆم لە پارێزگای کەرکووک درا و هەریەک لە پارتی دیموکراتیی کوردستان و یەکێتیی نیشتمانیی کوردستان و یەکگرتووی ئیسلامیی کوردستان، بڕیاری ئەنجامدانی ڕیفراندۆمیان لە کەرکووک دا.

کەمێک لەمەوبەر، کۆبوونەوەی سەرکردایەتیی سیاسیی کوردستان بە سەرپەرشتیی مەسعود بارزانی، سەرۆکی هەرێمی کوردستان ئەنجام دراوە و بڕیار دراوە ڕیفراندۆم لە کەرکووک بکرێت.

لەمبارەیەشەوە ئەنجومەنی باڵای ڕیفراندۆم جەختی لەوە کردووەتەوە کە سبەی لە تەواوی هەرێمی کوردستان و ناوچە کوردستانییەکانی دەرەوەی ئیدارەی هەرێمی کوردستان ڕیفراندۆم بەڕێوە دەچێت و ”لە کەرکووک دواناخرێ“.

ئەمە لە کاتێکدایە کە پێشتر بەپاساوی جۆراوجۆر، بەشێک لە سەرکردە و ئۆرگانەکانی یەکێتی داوای دواخستنی ڕیفراندۆم لە کەرکووک یان کۆی پرۆسەی ڕیفراندۆمیان کردووە.









باسنیوز