رێڤەبەرێ نڤیسینگەھا رزگارکرنا رەڤاندیێن کوردێن ئێزدی دیارکرکو ئەڤرۆ 23/9/2017 دوو کەسێن ئێزدی بناڤی (عامر خەیری و زاھسد سوھێل) ژدەستێن تیرۆرستێن داعش ل دوروبەرێن باژێری رەقە ھاتنە رزگارکرن.



حوسێن کورۆ قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکر: "دوو کەسێن ئێزدی ئێک ژوانا بناڤی عامر خەیری خەلکێ دەڤەرا حەردان ژ دایکبووی سالا 2002 ویێ دیتر ژی بناڤی زاھید سوھیل خەلکێ گوندێ کوجۆ ژ دایکبووی سالا 2003ی ئەڤرۆکە ژ دەستێن تیرۆرستان ھاتنە رزگارکرن ژ باژێرەکێ ب رەخ رەقە ژ بن کونترولا تیرۆرستێن داعش و گەھشتنە ناڤ کەس و کارێن خوە ل پارێزگەھا دھۆکێ".



خۆیا ژی کر: "ھەتا نوکە ب پشتەڤانیا سەرۆکێ حکومەتا ھەرێما کوردستانێ 3142 کەسێن ئێزدی ژ دەستێن تیرۆرستێن داعش رزگاربووینە ورۆژانا ژی ھەولدان دھێنە کرن بۆ رزگارکرنا ھەموو رەڤاندییان".
bas news-