مینا تەڤاهیا هەموو کوردێن دونیایێ کوردێن جۆرجیا ژی ب کەرنەڤال و چالاکی ل هەموو باژار و باژارۆکێن وی وەڵاتی پشتگیریا ریفراندۆما سەرخۆبوونێ دکەن و ب رۆژەکا دیرۆکی وەسفدکەن.

(یۆرا نەبەیف)، جێگیرێ سەرۆکی کۆمەلەیێن کوردیێن سۆفیەتا بەرێ، بۆ ماڵپەرێ فەرمیی یێ پارتی دیموکراتی کوردستان دیارکر، کوردێن جۆرجیا ب هەموو تەخ و چینێن جودا ژ پەرلەمانتار و چالاکڤان و دیرۆکنڤس پشکداری کەرنەڤال و چالاکیێن پرسا ریفراندۆما سەرخۆبوونێ دکەن، و ب رۆژەکا دیرۆکی وەسفدکەن، و پشتگیریا وان دێ کارتێکرنا خۆ ل سەر رایا گشتی هەبیت.

جێگیرێ سەرۆکی کۆمەلەیێن کوردیێن سۆفیەتا بەرێ زەلال کر، کو نها کوردێن جۆرجیا و تەڤاهیا سۆفیەتا بەرێ پشتەڤانێی دکەن و چەندین یاداشتنامە ژ بۆ گەلێ رووسیا و جۆرجیا و تەڤاهیا وەڵاتێن ئێکەتیا سۆفیەت شاندینە، و وان ژی پشتەڤانیا خۆ دیارکریە. و هەلویستەکی باش ل دۆر ڤێ پرسێ هەنە.

(ئیسکۆیێ داسنی) پەرلەمانتارێ کوردێ ئێزدی ل پەرلەمانێ جۆرجیا بەریا نها بۆ ماڵپەرێ فەرمیی پارتی دیموکراتی کوردستان دیارکربوو، کو سەرخۆبوونا کوردستانێ دێ بیتە نموونەک بۆ هەموو جیهانێ و دیارکربوو، گرنگە جیهان پشتەڤانیا پرسا ریفراندۆمێ بکەن.
kdp-