وەک پشتگیرێک بۆ ریفراندۆمی سەربەخۆیی کوردستان، بەڕێوەبەرایەتیی کاروباری شەھیدانی سۆران، ئاھەنگێکی بۆ کەس و کاری شەھیدانی چۆمان ساز کرد.

ئەشقی مەلا، بەڕێوەبەری کاروباری شەھیدان و ئەنفالکراوانی سۆران، رایگەیاند: "بە مەبەستی پشتگیریکردن لە ریفراندۆمی سەربەخۆیی کوردستان، ئەمڕۆ پێنج شەممە 21/9/2017 ئاھەنگێکمان لەشاری چۆمان، بۆ کەسوکاری شەھیدان سازکرد، وێڕای مۆسیقا و گۆرانی نیشتمانی لەم ئاھەنگەدا، دیاریشمان بەسەر منداڵانی شەھیدان دابەش کرد".

بەڕێوەبەری کاروباری شەھیدان و ئەنفالکراوانی سۆران، ئەوەشی روون کردەوە: "لەم ئاھەنگەدا ھەمووان بە بەرزکردنەوەی ئاڵای کوردستان و دەنگی (بەڵێ)، پشتگیریی خۆیان بۆ سەرخستنی ریفراندۆم و سەربەخۆیی کوردستان راگەیاند".











باسنیوز