رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکرکو ل حەویجە گەلەک رەڤاندیێن ئێزدی ل ھەنە ئەڤرۆ 21/9/2017 ئوپەراسیۆنا رزگارکرنا حەویجە دەست پێ کر ئەم دخوازی دکەن رەڤاندیێن ئێزدی ژی بھێنە رزگارکرن.

حوسێن کورۆ قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکر: "پشبینی دھێتە کرن تیرۆرستێن داعش گەلەک رەڤاندیێن کوردێن ئێزدی بۆ حەویجە ڤەگوھاست بن لێ ئەم خوە ل ھیڤیا حکومەتا عێراقی ناگرن چونکو ل تەلەعفەر ژی گەلەک رەڤاندیێن ئێزدی ھەبوون دەمێ تەلەعفەر رزگاربووی ئەو ھەموو رەڤاندیێن ئێزدی نەھاتنە رزگارکرن مەترسیی ھەیە ل حەویجە ژی حکومەتا عێراقی رەڤاندیێن ئێزدی رزگارنەکەت ئەم دێ ریێن خوە تایبەت کارکەین بۆ رزگارکرنا ھەموو رەڤاندییان".

خۆیا ژی کر: "ھەتا نوکە ب پشتەڤانیا سەرۆکێ حکومەتا ھەرێما کوردستانێ پتر ژ سێ ھزار و 110 رەڤاندیێن کوردێن ئێزدی یێن ھاتینە رزگارکرن و ھیشتا چارەنڤیسی پتر ژ سێ ھزار رەڤاندییان ژێ دیار نێنە".









باسنیوز