زانکۆیا دهۆک ( گەرا بەلێ بۆ ریفراندۆمێ ) دێ باوەرنامەیان ب قوتابیان بەخشیت
ئاهەنگا دەرچوونا گەرا 22 یا قوتابیێن بەکالوریۆسێ یێن زانکۆیا دهۆک ددەمەکى دایە، کو وەلاتێ مە یێ بەرەف رۆژەکا دیرۆکى یا گرنگڤە دچیت ئەو ژى 25 ئەیلولێ یە، رۆژەکە کو دێ چارەنڤیسێ گەلێ مە تێدا دیار بیت، ئەو چارەنڤیسێ ب درێژاهیا دیرۆکێ گەلێ مە خەون پێڤە ددیتن، کۆ سەرخوەبوونا کوردستانێ یە، ژبەر ڤێ ئێکێ گەرا دەرچوونێ یا 22 دێ گەرا (بەلێ بۆ ریفراندومێ) بیت، ژبۆ ئەم هەمى هاندەرێن سەرکەفتنا ڤێ پرۆسێسا چارەنڤیسساز بین، (پ.د. مسلح محەمەد سەعید دهۆکى)، سەرۆکێ زانکۆیا دهۆک، بۆ مالپەرێ فەرمیێ پارتى دیموکراتى کوردستان راگەهاند:" زانکۆیا دهۆک هەردەم کار کریە و دێ یا بەردەوام بیت ژ بۆ پێگەهاندنا بەرەبابێن نوو و گەنجێن ڤى وەلاتى داکو خزمەتا گەل و وەلاتێ خۆ بکەن، ژبەر دڤى دەمیدا پێدڤیە هەر کەس و لایەنەک یێ هاریکار بیت بۆ پێشڤەبرنا سازیێن ڤى وەلاتى و وان سازیان بکەنە یێن دەولەتێ و وەلاتێ خۆ لسەر ئاڤا بکەین، دەمێ دەولەت دئێتە راگەهاندن ئەم د بەرهەڤبین و مە سازیێن دەولەتێ هەبن".
سەرۆکێ زانکۆیا دهۆک گۆت ژى:" زانکۆیا دهۆک بۆ هەر کاودانەکى پلان و بەرنامە و رێکارێن خۆ یێن هەین، ل گەل دەربەدەربوونا وێ هژمارا زۆر یا خەلکێ مە ل کوردستانێ و جه و وارێن خۆ هێلاین و قەستا دەڤەرێن ئارامێن هەرێما کوردستانێ کرین، ژبەر وان کارەساتێن ب سەر واندا هاتین و دەرونێ وان کەسان تێکدایى و ژلایێ پێشمەرگێن قەهرەمان ڤە هاتینە رزگار کرن".
د ڤێ گەرا دەرچوونێ دا زانکۆیا دهۆکێ، باوەرنامێن بەکالوریۆسێ ب (4040) قۆتابیان دبەخشن و د (60) بسپۆریێن جودا دا پێشکێشى ڤى وەلاتى کەت، دیسان ڤان دەرچوویان چار سالێن خواندنێ و ل هندەک کۆلیژان پێنج سال و شەش سال دەرباز کرینە و زانکۆیا دهۆک ل سالا 1992ێ هاتیە دامەزراندن، نوکە ب 17ە کولیژان پێک دئێت.
kdp-
