بەرپرسێ پەیوەندی و راگەھاندنێ ل رێڤەبەریا بەرەڤانیا باژێری ل دھۆکێ دیارکرکو ئەڤرۆ 19/9/2017 ئاگربەربوو پانزینخانەکێ ل ناڤبەرا دھۆک و زاخۆ، دئەنجامدا ژی 11 ھزار لیترپانزین سۆت و خراب بوو.

بێوار عەبدولعەزیز، بەرپرسێ پەیوەندی و راگەھاندنێ ل رێڤەبەریا بەرەڤانیا باژێری ل دھۆکێ دیارکر: "ژ ئەگەرێ بکارئینانا ماتۆرێ ڤەگوھاستنا گازێ ئاگەر بەربوو ویستگەھەکا سۆتەمەنیێ ل نێزیک کۆمەلگەھا مارینا، دئەنجامدا ژی 11 ھزار لیتر پانزین سۆت و پووچ بوو. ژوانا ژی سێ ھزار لیتر سۆت، یێن دیتر ئاڤ ومادەیێن ڤەمراندنا ئاگری چوونە دناڤدا و ترۆمبێلەکا ژ جۆری لاندگروز ژی ب تەمامی سۆت".

خویا ژی کر: "تیمێن بەرەڤانیا باژێری شیان 100 ھزار لیتر پانزین قورتال بکەن و دەمەکێ کێمدا کۆنترۆلێ ل سەر بویەرا سۆتنا ویستگەھێ بکەن وچوو زیانێن گیانی ژی پەیدانەبوون، بتنێ زیانێن مادی گەھشتنە ویستگەھێ".










باسنیوز