ئەندامێكی جڤاتی نیشتمانیی گۆڕان، ڕای دەگەیەنێت، بۆ هەڵبژاردنەكانی داهاتوو دەنگەكانی یەكێتی لەبەر مەترسی دایە.

عەبدولڕەحمان موهەندیس، ئەندامی جڤاتی نیشتمانی و سەرۆكی فراكسیۆنی گۆڕان لە ئەنجومەنی پارێزگای هەولێر، ڕایگەیاند: "لیستەكەی (بەرهەم سالح) مەترسییە بۆ سەر دەنگەكانی یەكێتیی نیشتمانیی كوردستان هەیە، بەڵام مەترسی بۆ سەر دەنگەكانی بزووتنەوەی گۆڕان نابێت".

هاوكات بیستوون فایەق، پەرلەمانتاری كوردستان لەسەر فراكسیۆنی گۆڕان،ڕایگەیاند: "لیستە نوێیەكەی (بەرهەم ساڵح) پەیوەندیی بە دۆخی یەكێتییەوە هەیە، لەناو یەكێتییەوە دێتە دەرەوە، بۆیە دەزانم زۆرترین دەنگی یەكێتی دەبات و كاریگەریی لەسەر یەكێتی دەبێت".

پەرلەمانتارەكەی گۆڕان، پێی وایە ڕێژەی دەنگەكان و ژمارەی كورسییەكان لە هەڵبژاردنەكاندا بڕیار لەسەر بەهێزبوونی قەوارەكەی (بەرهەم ساڵح) دەدات".

شەممەی ڕابردوو 16/9/2017 جێگری دووەمی سكرتێری گشتیی یەكێتی نیشتمانی كوردستان، ناوی قەوارە نوێیەكەی لە كۆمیسیۆنی باڵای هەڵبژاردنەكان تۆمار كرد.













باسنیوز