به‌هۆى تۆپبارانه‌كانى سوپاى پاسدارانی ئێرانه‌وه‌ دوو كۆڵبه‌رى كوردی خه‌ڵكى رۆژهه‌ڵاتى كوردستان له‌ ناوچه‌ی كێله‌شین له‌ سنوورى شاره‌دێى سیده‌كان برینداربوون.



ئیحسان چه‌له‌بى، به‌ڕێوه‌به‌رى شاره‌دێی سیده‌كان، راگه‌یاند: "پاشنیوه‌ڕۆی ئه‌مڕۆ یه‌كشه‌ممه‌ (17-9-2017) به‌هۆى تۆپبارانه‌كانى كۆمارى ئیسلامى ئێران، له‌كێله‌شینی سنوورى شاره‌دێى سیده‌كان، دوو كۆڵبه‌رى خه‌ڵكی ڕۆژهه‌ڵاتی كوردستان برینداربوون".



ئاماژه‌ی بۆ ئه‌وه‌ش كرد كه‌ ئه‌و دوو كه‌سه‌ به‌په‌له‌ گه‌یه‌نراونه‌ته‌ نه‌خۆشخانه‌ى فریاكه‌وتنى سۆران و ئێستا له‌ ژێر چاودێرى پزیشكیدان.
BAS NEWS-