بەرپرسێ‌ بنگەهێ‌ لالش تایێ كۆمەلگەها شاریا ل پارێزگەها دهۆكێ‌ دیاركر كو كەمپینا بەڵێ بۆ سەربەخۆیا كوردستانێ‌ ل ناڤ كوردێن ئێزدی ل كۆمەلگەها شاریا هاتە دانان دێ‌ كەرنەڤالێ‌ سەربەخۆیا كوردستانێ‌ ژی سازكەن.

دلگەش سەلیم، بەرپرسێ‌ بنگەهێ‌ لالش تایێ كۆمەلگەها شاریا ل پارێزگەها دهۆكێ‌ دیاركر:" كوردێن ئێزدی ل كۆمەلگەها شاریا ب هەستەكا نەتەوەیی و نشتیمانی یا زۆر مەزن دێ‌ بەشداری ریفراندۆما سەربەخۆیا كوردستانێ‌ دا كەن و هەموو كوردێن ئێزدی ل كۆمەلگەها شاریا دەنگێ‌ بەڵێ بۆ سەربەخۆیا كوردستانێ‌ دەن. نۆكە ئەم مژولن ئاهەنگەكا جەماوەری یا مەزن بۆ كوردێن ئێزدی سازبكەن بۆ سەربەخۆیا كوردستانێ‌ دێ‌ ناڤ سەنتەرێ‌ كۆمەلگەها شاریا هێتە سازكرن".

خویا ژی كر:" كەمپینا بەڵی بۆ سەربەخۆیا كوردستانێ‌ دێ‌ ل شاریا یا ڤەكری بیت هەتا رۆژا 25/9/2017 ل رۆژا 25/9 خەلكێ‌ شاریا ب هێز و شیانێن خوە هەموو دێ‌ بەشدارێ‌ دەنگدانێ بن وهەموو ژی دێ‌ دەنگێ‌ بەڵێ دەن بۆ سەربەخۆیا كوردستانێ‌"










باسنیوز