لەسەر داوای سەرۆک وەزیرانی عێراق، پەرلەمانی عێراق بڕیاری دا پارێزگاری کەرکووک لە پۆستەکەی لابدات.

کەمێک لەمەوبەر، ئەنجومەنی نوێنەرانی عێراق لەسەر داوای حەیدەر عەبادی، سەرۆک وەزیرانی عێراق، پێشنیاری لەکار لادانی نەجمەدین کەریم، پارێزگاری کەرکووکی خستە دەنگدانەوە و بڕیارەکەش بە زۆرینەی دەنگ پەسەند کرا.

لەمبارەیەوە ئیسلام حوسێن، ئەندامی فراکسیۆنی پارتی دیموکراتی کوردستان لە پەرلەمانی عێراق ڕایگەیاند: ”ئەمە وەکوو هەموو فراکسیۆنە کوردستانییەکان، بڕیارەکانی ئەم دواییەی پەرلەمانی عێراق ڕەت دەکەینەوە و قەبووڵی ناکەین. هەر پێنج کوتلە کوردستانییەکە نەچووینە هۆڵی پەرلەمانی عێراقەوە. ئەو ڕێوشوێنانە بە نادەستووری لە قەڵەم دەدەین“.

ئەوەشی دووپات کردەوە کە ئەوان بڕیارەکە بە نایاسایی دەزانن و جەختی لەوە کردەوە کە دەبووایە پێش ئەو بابەتە ڕای فراکسیۆنە کوردستانییەکان وەربگرن.










باسنیوز