ئَواره‌ى ئه‌مڕۆ چوارشه‌ممه‌ 13/ 9/ 2017 كارمه‌ندێكى ئاسایشى گه‌رمیان له‌ بازگه‌یه‌كى سه‌ر رێگه‌ى كه‌لار_ جه‌له‌ولا، ئۆتۆمبێل لێى ده‌دات و به‌و هۆیه‌وه‌ گیانى له‌ده‌ست دا.


سمكۆ عه‌لى، به‌ڕێوه‌به‌رى یاریده‌ده‌رێتى ئاسایشى كوڵه‌جۆ سه‌ر به‌ ئاسایشی گه‌رمیان، ڕاگه‌یاند: "ئێواره‌ى ئه‌مڕۆ ئۆتۆمبێلێك له‌ بازگه‌یه‌كى ئاسایش كه‌ ده‌كه‌وێته‌ سه‌ر ڕێگه‌ى كه‌لار_ جه‌له‌ولا، له‌ نزیك گوندى جومه‌یله‌یه‌ له‌ ئاسایشێكى داوه".


ئاسایشه‌كه‌ گه‌نجه‌ و ناوى (شكار محه‌مه‌د)ـه‌، دانیشتووى شارى كه‌لاره‌.


ئه‌و به‌ڕێوه‌به‌ره‌، ئاماژه‌ به‌وه‌شدا، كه‌ رووداوه‌كه‌ په‌یوه‌ندى به‌ كارى تیرۆرستییه‌وه‌ نییه‌ و شۆفێرى ئۆتۆمبێله‌كه‌ش ده‌ستگیر كراوه‌ .
bas news-