ب مەرما پتر خزمەتکرنا خەلکێ پارێزگەھا دھوکێ ، ئەڤرۆ ل رێکفەتی 25/5/2017 وەزارەتا ناوخو یا ھەرێما کوردستانێ چار ھیلوکوپتەر رەوانەی سەنتەرێ باژێرێ دھوکێ کرن و ب ڤێ چەندێ ھژمارا ھیلوکوپتەرێن دھوکێ گەھشتنە پێنج ھیلوکوپتەران.



د رێورەسمەکێ دا ب ئامادەبونا قایمقامێ قەزا دھوکێ و رێڤەبەرێ گشتی یێ پولیسێن پارێزگەھا دھوکێ و نوینەرێ پارێزگارێ دھوکێ، ئەو چار فروکێن ھیلوکوپتەر ھاتنە وەرگرتن بو پارێزگەھا دھوکێ و بو رێڤەبەریا گشتی یا ھاتن و چونا پارێزگەھا دھوکێ ھاتنە تەرخانکرن.



کاپتن ئیبراھیم کەمال، لدور دابینکرا چار فروکێن ھیلوکوپتەر بو دھوکێگوت: "ئەڤ پێنگاڤە دھێتە ھژمارتن ژ پێنگاڤەکا مەزن و خزمەتەکا بەفراوان بو خەلکێ پارێزگەھا دھوکێ چونکە ئەڤ ھەر چوار فروکە بو رێڤەبەریا ھاتن و چوونا پارێزگەھا دھوکێ ھاتینە تەرخانکرن و ب تەرخانکرنا ڤان جورە فروکان دێ خزمەتەکا مەزن گەھیتە سەرانسەری پارێزگەھا دھوکێ".



ناڤبری گوت ژی: "بەری نوکە مە بتنێ فروکەکا ھیلوکوپتەر ھەبو لێ نھا دا ھژمارا فروکێن مە گەھشتنە پێنج فروکێن ھیلوکوپتەر و دێ خزمەتەکا مەزن بو دھوکێ کەین و ژڤانە ھەر ئەڤرۆ ئەو فروکێن ھاتینە ئامادەکرن بو دھوکێ ب کەڤنە ئامادەباشیا کارێ خوە دا".



ئەو چەندە ژی ب رێکا نەڤەشارت: "دوان ژ وان فروکان دێ بو رویدانێن نەچاڤەرێکری یێن ئاگر بەربونێ بن و فروکێن دی ژی دێ بو ھەر کارەکێ پێتڤی ھێنە بکار ئینان ئەڤجا چ ڤەگوھاستنا بریندارەکێ بیت یان ھەر کارەکێ دی کو خزمەتا خەلکێ پارێزگەھا دھوکێ بکەت".
bas news-