گەنجێکی کوردی خەڵکی شارۆچکەی (نۆدشە)ی سەر بە هەورامان لە پەرێزگای کرماشان، بە تەقەی هێزە ئەمنییەکانی ئێران کوژرا.

دوێنێ چوارشەممە 2017 -3- 1 هێزە ئەمنییەکانی ئێران لەناو شاری نۆدشە لە هەورامان بە بیانووی بەرەنگاربوونەوەی کڕین و فرۆشتنی باری قاچاخ، تەقەیان لە سەرنشینی ئۆتۆمبێلێک کردووە و گەنجێکی کورد بەناوی (ئارمان چەنگیزی) تەمەن 22 ساڵ دەستبەجێ گیانی لەدەست داوە.

بە گوتەی سەرچاوەیەکی باوەڕ پێکراوە، سەرەنجام دەرکەوتووە کە باری ئەو ئۆتۆمبێلە تەنیا "کاکڵە گوێز" بووە و هیچ بارێکی قاچاخی پێ بەنووە.

بەپێی هەمان سەرچاوە ئێستا بارودۆخی شارۆچکەی نۆدشە ناجێگیرە و هێزە ئەمنییەکان لەناو شار چەندین بازگەی پشکنینیان داناوە.








باسنیوز