حزبی دەعوە رایگەیاندووە، بەغدا ئێستا پشتگیری لە سەربەخۆیی كوردستان دەكات، هەڵدانی ئاڵای كوردستانیش لە فڕۆكەخانەی نێودەوڵەتیی ئەتاتورك لە توركیا ئاماژەیەكی ڕوونە كە توركیاش پشتگیری سەربەخۆیی هەرێمی كوردستان دەكات.

سایتی هەواڵی (مەعلومە)ی عەرەبی لە زاری سەرۆكی كوتلەی پەرلەمانی حزبی دەعوە "عەلی بەدیری" بڵاویكردۆتەوە كە بەغدا و ئیستەنبول پشتگیری لە سەربەخۆیی كوردستان دەكەن، زانیاریشیمان هەیە كە لە ماوەیەكی نزیكی ئایندەدا شاندێكی سەركردایەتی كوردستان دەگەنە بەغدا بۆ تاوتوێكردن و یەكلاكردنەوەی پرسی سەربەخۆیی و رێككەوتن لەسەر دۆخی ناوچە جێناكۆكەكان.

بەدیری دەشڵێت : سەردانی بارزانی بۆ توركیا بە مەبەستی ئەوەیە دوا بریاری سەربەخۆیی بدەن و دەست بە راگەیاندنی سەربەخۆیی بكەن.

دەشڵێت : هەڵدانی ئاڵای كوردستان بۆ یەكەمجار لە توركیا وا بە ئاشكرایی و بە شانازییەوە، ئاماژەیەكی ڕوونە كە توركیا دانی ناوە بە سەربەخۆیی كوردستان.



xor