فەرماندەیەکی هێزی پێشمەرگەی کوردستان ئاماژە بەوە دەکات، دواین ئاماریان لەبارەی کوشتنی قەناس بەدەستەکانی داعش ئامادە کردووە کە بەپێی راپۆرتی هێزی پێشمەرگەی کوردستان، تەواوی قەناس بەدەستەکان، کەسانی بیانی بوون و لە ئاستێکی بەرزدا ڕاهێنانی سەربازییان بینیبوو”.

هاشم سیتەیی، فەرماندەی هێزی پێشمەرگەی کوردستان، لە میحوەری شنگال، ڕایگەیاند: “ڕاپۆرتی کۆتایی لەسەر کوژراوانی قەناس بەدەستی داعش بەزرکراوەتەوە و تائێستا زیاتر لە 100 قەناس بەدەستی داعش کوژراون”.

ئەوەشی ئاشکرا کرد کە تەواوی ئەو قەناس بەدەستانە، “کەسانی بیانی بوون” و بەشێکی زۆریان راهێنانی سەربازییان لە ئاستی نێودەوڵەتیدا بینیوە. گوتیشی: "بەداخەوە زۆر پێشمەرگەی کوردستان بەهۆی گوللەی قەناس بەدەستەکانی داعش شەهید بوون، بۆیە ئێستا سەرجەم ئەو شوێنانەی قەناس بەدەستی داعش تێدابوو، هێزی پێشمەرگەی لێیە و لەبەرانبەردا هێزی پێشمەرگە یەکەیەکی تایبەتی بۆ قەناس بەدەستەکانی داناوە و کاری خۆیان دەکەن".











باسنیوز