بەڕێوەبەرایەتی گشتیی پەروەردەی سلێمانی ڕای دەگەیەنێت ڕۆژانی تاقیكردنەوەی وەرزی یەكەم هیچ پشوویەك نایگرێتەوە و تەنیا ساڵیادی ڕاپەڕین دەكرێتە پشوو.

بەڕێوەبەرایەتی گشتیی پەروەردەی سلێمانی، لە ئاگادارییەكدا كە ئاراستەی سەرجەم پەروەردەی قەزاكان و قوتابخانە و خوێندنگاكانی كردووە ڕای دەگەیەنێت "ئاگاداری سەرجەم پەروەردەی قەزاكان و قوتابخانە و خوێندنگاكان دەكەین كە تەنها 5/3/2017 پشووی فەرمییە و ڕۆژانی تاقیكردنەوەكان لە 9 ـ 19/3/2017 هیچ پشوویەك نایگرێتەوە و تاقیكردنەوەكان بە شێوەی ئاسایی خۆی بەردەوام دەبێت."

بەپێی زانیارییەكان ڕۆژی یەكشەممەی داهاتوو 5/3/2017 بە بۆنەی یادی ڕاپەڕینەوە لە سەرجەم دامودەزگاكانی حكوومەتی هەرێمی كوردستان پشووی فەرمی دەبێت.

ڕۆژی 5/3/1991 ڕاپەڕینی خەڵكی هەرێمی كوردستان لەدژی حكوومەتی بەعس لە شاری ڕانیە دەستی پێ كرد و دواتر هەموو شار و شارۆچكەكانی هەرێمی كوردستانی گرتەوە، دوای دروستبوونی حكوومەتی هەرێمی كوردستانیش، ساڵانە ئەم ڕۆژە وەك پشوو لە سەرتاسەری هەرێمی كوردستان دیاری كرا.













باسنیوز