داوا لە سەرکردایەتیی هەرێمی کوردستان دەکرێت، فشار بخاتە سەر سەرکردایەتیی قەندیل، بۆ ئەوەی پارتی کرێکارانی کوردستان (پەکەکە) لە گوندەکانی سنووری هەرێمی کوردستان بکشێتەوە و چۆڵیان بکات، ئەندامێکی پەرلەمانی کوردستانیش دەڵێت: "پەکەکە هۆکارە بۆ راگرتن و پەکخستنی خزمەتگوزاری بۆ گوندەکان".



نازم هەرکی، پەرلەمانتاری فراکسیۆنی پارتی دیموکراتیی کوردستان لە پەرلەمانی کوردستان، راگەیاند: "داوا لە سەرکردایەتیی کوردستان دەکەین فشار بخەنە سەر قەندیل و پارتی کرێکارانی کوردستان لەو گوندانە بکشێتەوە کەلە کوردستانی باشوور داگیری کردوون."



ئەو پەرلەمانتارە کوردە ئاماژەی بەوەش کرد "بە سەدان گوندی کوردستانی باشوور لەلایەن پەکەکەوە داگیر کراون و باج و سەرانەیان لێ وەردەگیرێت و بازگەیان داناوە و رێگای هاتووچۆیان گرتووە، ئێستاش بیانوویان داوەتە دەستی تورکیا بۆ بۆردورمانکردنی قەندیل و گوندەکانی دەوروبەری چیای قەندیل، بە مانەوەشیان زیان بە کوردستان و گەشەی گوندەکان دەگەیەنێت، چونکە بەهۆی پەکەکەوە ناتوانین ئاوەدانی بگەیەنینە ئەو گوندانە".

ئاماژەی بەوەش دا دەبێت پەکەکە لە سنووری ناوچەکانی کوردستانی باشوور و گوندەکان بکشێتەوە





باسنیوز