بەرپرسێ راگەھاندنا ھاتن و چوونا پارێزگەھا دھوکێ گوت: "ئەڤرۆ لرێکەفتی 28/2/2017 ل دەمژمێر 8:45 خولەک ل سەر رێکا گشتی یا (روڤیا) ل دەوروبەرێن قەزا ئاکرێ دوو ترومبێلان رویدانەکا دلتەزین پەیداکریە و د ئەنجام دا 6 کەس بونە قوربانی".

ئازاد تەھا بەرپرسێ راگەھاندنا ھاتن و چوونا پارێزگەھا دھوکێ دیارکر ژی: "رویدان دناڤبەرا ھەردوو ترومبێلێن (پیکەم ژ جورێ دێر و ترومبێلا ھوندا ئەلنترا) دا پەیدا بویە و د ئەنجام دا ئافرەتەکێ گیانێ خوە ژ دەستدایە کو ھەمان دەم دا ماموستایە سەر ب پەروەردا پارێزگەھا دھوکێ ڤە و 3 ئافرەت و 2 زەلامێن دی ب گرانی بریندار بوونە".

ئازاد تەھا بەرپرسێ راگەھاندنا ھاتن و چوونا پارێزگەھا دھوکێ نەڤەشارت ژی: "ئەو ئافرەت ماموستایە و ھەمو رۆژان ژ دھوکێ قەستا قەزا ئاکرێ دکەت چونکە ل ئێک قوتابخانێن وێ قەزایێ دەوامێ دکەت و خوەدان زارویە و ئەڤرۆ د رویدانەکا ھاتن و چوونێ دا گیانێ خوە ژ دەستدایە".

بەرپرسێ راگەھاندنا ھاتن و چوونا پارێزگەھا دھوکێ گوت ژی: "بەردەوام ل سەر ئەوێ رێیا سەرەکی یا روڤیان و بەردەرەش و کەلەکچی و ھەمو وان دەڤەران رویدان پەیدا دبن چونکە ئەو رێکێن ھاتن وچوونێ وەک پێتڤی د سەخبێرکری نینن و شوفێر ژی پابەندی یاسایێن ھاتن و چوونێ نابن لەورا خەلکێ مە ب دلگرانی ڤە دبنە قوربانیێن ھاتن و چونێ".









باسنیوز