بڕیاردەری ئەنجومەنی پارێزگای کەرکووک، ئاماژە بۆ ئەوە دەکات کە لە کەرکووک ھەوڵ بۆ دروستکردنی پاڵاوگەیەکی نەوت دەدرێت.



ئەڵماس فازڵ، بڕیاردەری ئەنجومەنی پارێزگای کەرکووک، بە (باسنیوز)ی ڕاگەیاند: "ھەوڵی جددی بۆ دروستکردنی پاڵاوگەیەکی نەوت لە کەرکووک ھەیە، دوو کۆمپانیا داواکارییان ، بۆ دروستکردنی پاڵاوگەکە پێشکەش کردووە و لە ئایندەیەکی نزیکدا ئەو پاڵاوگەیە دروست دەکرێت".


بڕیاردەری ئەنجوومەنی پارێزگای کەرکووک، گوتیشی: "بە پێی زانیارییەکانمان کۆمپانیایەک لەم ڕۆژانەی ڕابردوو ڕەزامەندی بۆ دروستکردنی پاڵاوگەیەک لە کەرکووک وەرگرتووە، تاکە مەرجی ئێمەش ئەوەیە کە ئەو کەسانەی وەکو ئەندازیار و کرێکار لە دروستکردنی ئەو پاڵاوگەیە کار دەکەن، دەبێت خەڵکی کەرکووک بن، ئەوەش بۆ کەمکردنەوەی بێ کارییە لە شاری کەرکووک".

bas news-