بەڕێوەبەری ڕاگەیاندنی قایمقامیەتی شارۆچکەی خورماتوو، ئاماژە بەوە دەدات کە قایمقامی خورماتوو، لەگەل شارەوانی شارۆچکەکەی پڕۆگرامێک بۆ نەھێشتنی زیادەڕەوی دادەنرێت.



محەمەد فایق، بەڕێوەبەری ڕاگەیاندنی قایمقامیەتی شارۆچکەی خورماتوو، ڕایگەیاند: "شلال عبدل ئەحمەد، قایمقامی شارۆچکەی خورماتوو، سەردانی فەرمانگەی شارەوانی خورماتووی کرد و لەگەڵ سەرۆکی شارەوانی و ئەندازیارەکان کۆبویەوە و ڕێکەوتن لەسەر جێبەجێکردن و دانانی پڕوگرامێک بۆ کارکردنی شارەوانی خورماتوو".


بەڕێوەبەری ڕاگەیاندنی قایمقامیەتی خورماتوو، ئەوەشی خستەڕوو: "ئەو پرۆگرامە، تایبەتە بە کاری ھەڵگرتن و پاککردنەوەی خۆڵ و خاشاک، ھەروەھا لابردنی زیادەڕەوی و گواستنەوی ھەندی جێگای بازاڕ، وەک بازاڕی دەستفرۆشی و ھەراج، بازاڕی ھەینی، جێگایەکی دیکە".



گوتیشی: "قایمقام پەیوەندی بە سەرۆکی شارەوانییەکانی سەلاحەدینەوە کرد، ئەویش بە مەبەستی سەرپشککردن بەپیدان و خەرجکردنی بڕی 10 میلۆن دینار بۆ بەڕیوەبەری شارەوانی خورماتوو، بەبێ گەڕانەوە بۆ پارێزگای سەلاحەدین".

bas news-