لە گەڕەکی سەرچناری شاری سلێمانی، تەرمی ھاووڵاتییەکی تەمەن 41 ساڵ دۆزرایەوە، گوتەبێژی پۆلیسی سلێمانیش، زانیاری لەسەر ئەو تەرمە ئاشکرا کرد.



نەقیب سەرکەوت ئەحمەد، گوتەبێژی پۆلیسی سلێمانی،ڕای گەیاند: "ئەمڕۆ یەکشەممە 26/2/2017، لە گەڕەکی سەرچناری شاری سلێمانی، لە نزیک مزگەوتی شێخ سەعیدی پیران، تەرمی ھاووڵاتییەکی تەمەن 41 ساڵ دۆزرایەوە، کە گومانی ئەوە دەکرێت، سەیارە لێی دابێت".



گوتیشی: "تەرمی ئەو ھاووڵاتییە ڕەوانەی پزیشکی دادوەری سلێمانی کراوە، بەپێی لێکۆڵینەوەکانی پزیشکی دادوەری گومانی ئەوە دەکرێت، ئەو ھاووڵاتییە سەیارە لێی دابێت و دواتر تەرمەکەیان بەجێ ھێشتبێت،



گوتەبێژی پۆلیسی سلێمانی، ئاماژەی بەوەش کرد: "ھێزەکانی پۆلیس لێکۆڵینەوە لەسەر ئەو تەرمە دەکەن و پەڕاوی لێکۆڵینەوەش بۆ ڕووداوەکە دەکرێتەوە".

























باسنیوز