بۆ کەمکردنەوەی کورسییەکانی پەڕلەمانی عیراق، ئەندامێکی ئەنجوومەنی نوێنەرانی عێراق دەلێت، کارلەسەر پرۆژەیەکی پێشنیارکراو دەکرێت، ژماره‌ی ئه‌ندامان لە ٣٢٨ بۆ ٢٠٠ کورسی كه‌م بكرێته‌وه‌ وتیشی، خوێندنەوەی یەکەمی بۆ کراوە.

ئەشواق جاف بە ئاژانسی ھەواڵی زاگرۆسی ڕاگەیاند:" پێشنیاری یاسایەک کە لەلایەن پەڕلەمانتار حامد خەزەری پێشکەش بە سەرۆکایەتی پەڕلەمانی عیراق کراوە، لە بارەی کەمکردنەوەی کورسی پەڕلەمانی عیراق لە "٣٢٨" بۆ "٢٠٠" کورسی و، خوێندنەوەی یەکەم بۆ پرۆژەیاساکەش کراوە .

ئەو ئەندامەی ئەنجوومەنی نوێنەرانی عیراق گوتیشی:" پێشکەشکردنی ئەم پرۆژەیە، بۆئەوەیە تا فشاری دارایی لەسەر سندوقی ناوەندی کەمبکەنەوە و، ئیشوکاری پەڕلەمان رێك بخات، چونکە دەڵێن "٣٢٨" پەڕلەمانتار ژماره‌یه‌كی زۆره‌ و بێ سوودە لەناوپەڕلەمان و ئەگەر کەمتر بێت ئیشوکارەکان بە توکمەیی دەڕوات.

جاف ئاماژه‌ی به‌وه‌ش دا: " پرۆژەکە خوێندنەوەی یەکەمی بۆکراوە، ئەگەر لەنێو پەڕلەمان پەسەند بکرێت دەبێت ڕاپرسی بۆ ماددەی "٤٩"ـی دەستووری ژمارە "١" تایبەت بە کورسییەکانی پەڕلەمان بکرێت و ھەمواربکرێتەوە، کە دەلێت "ھەر ١٠٠ ھەزار ھاوڵاتی یەک کورسیەکان ھەیە.

ئه‌وه‌شی خسته‌روو: وەکو کورد لێرە دەبێت دوو خاڵ لەبەرچاو وەربگرین و لێكۆڵینه‌وه‌ی ووردیان بۆ بکەین، یەکەمیان یاساییە و دووەمیش سیاسیە.
payAMNER-