پۆلیسی گه‌رمیان وتی، ئه‌مڕۆ هاوڵاتیه‌كی ته‌مه‌ن 74 ساڵ به‌په‌ت خۆی هه‌ڵواسیوه‌ و گیانی له‌ده‌ست داوه‌، بۆ لێكۆڵینه‌وه‌ له‌ چۆنیه‌تی رووداوه‌كه‌ په‌ڕاوی بۆ كراوه‌ته‌وه‌.

رائید عەلی جەمال، گوتەبێژی پۆلیسی گەرمیان به‌ ئاژانسی ھەواڵی زاگرۆسی رایگەیاند: سەرلەبەیانی ئەمڕۆ شەمه ته‌رمی هاوڵاتیەک هینرایە بەشی فریاکەوتنی شەهید هەژار له‌ كه‌لار، ئه‌و هاوڵاتیه‌ بەڕووداوی خنکان گیانی لەدەستدابوو.

وتیشی، ئەم هاوڵاتیە دانیشتووی گەڕەکی شەهیدانی قەزای کەلارە ناوی "تاریق عه‌لی ئه‌حمد"ە و لەدایکبووی 1943 بووه‌، بەوتەی کەسووکاری لەماڵەکەی خۆیدا خۆی هەڵواسیووە، به‌هۆیه‌وه‌ گیانی لەدەستداوە.

علی جه‌مال گووتیشی: لە ئێستادا پەڕاوی لێکۆڵینەوەی بۆکراوەتەوەو لەسەر چۆنیتی ڕووداوەکە پۆلیس دەستی بەڵێکۆڵینەوە کردوە.
payamner-