بەرپرسێ پەیوەندی و راگەھاندنێ ل رێڤەبەریا پولیسێن پارێزگەھا دھۆکێ دیار کر: "دو دزێکەرێن 7 دەفتەرێن دولاری و 20 ملیون دینار و چەند پارچەیێن زێری دزێن ژ مالێن وەلاتیان ھاتنە دەستەسەرکرن".

رائێدی مافپەروەر ھێمن سلیمان، بەرپرسێ پەیوەندی و راگەھاندنێ ل رێڤەبەریا پولیسێن پارێزگەھا دھۆکێ دیار کر: "ل قەزا بەردەرش چەند حالەتێن دزێ ژ مالێن وەلاتیان ھاتێنە کرن سکالا ھاتیە تۆمار کرن ل سەر دزینا کوژمەکێ پارەیی و ھندەک پارچەیێن زیرێ، پولیسێن نەھێلانا گونەھباریان دگەل پولیسێن بەردەرش دوڤچوون کری شیان دو دزیگەران دەستەسەربکەن و دانپێدان ب تاوانێن خوە ھەر دو دزیکەران 7 دەفتەرین دولاری و 20 ملیون دینار دگەل زیرێ ژ مالێن وەلاتیان دزینە".

خۆیا ژی کر: "ھەر دو دزیکەران پتریا پارەی ل ھەولیر مەزاختنیە کوژمێ 194 وەرقەیێن دولاری گەل مابوون ب کوژمێ دێ پارەیی ترۆمبیلەک کریبوون پولیسیان شیان وێ ترۆمبێلی ژێ دەستەسەربکەن".















باسنیوز