به‌رپرسێ په‌ێوه‌ندى و راگه‌هاندنێ ل رێڤه‌به‌ریا پولیسێن پارێزگه‌هادهۆكێ، دیاركر دزیكه‌رێن ده‌مژمیر 12 ب شه‌ڤ هه‌تا سێ سپێدى دزى ل دوكانێن موبایل و فروشگه‌هێن زاخۆ ل ناڤ بازارى دكرن هه‌موو هاتنه‌ ده‌سته‌سه‌ركرن و دانپێدان ب تاوانا خوه‌ كرن.

رائێدى مافپه‌روه‌ر هیمن سلیمان، به‌رپرسێ په‌ێوه‌ندى و راگه‌هاندنێ ل رێڤه‌به‌ریا پولیسێن پارێزگه‌ها دهۆكێ.دیاركر: " پشتى هه‌ژماره‌كا دوكان و فروشگه‌ه و ماركیتان ل زاخو هاتێنه‌ شه‌لاندن و چه‌ندین ئامێرین موبایل هاتینه‌ دزین، فروشیاران سكالا تۆماركرن وبنگه‌هێن پولیسێن نه‌هێلانا گونه‌هباریان ل زاخۆ ده‌ست ب دیڤچوونێ و لێكه‌ریانى كرن و شیان دو گرۆپیێن دزێكه‌ران ده‌سته‌سه‌ربكه‌ن".

خۆیا ژى كر:" گرۆپه‌ك پێكهاتیه‌ ژ چوار دزیكه‌ران و گرۆپێ دێ ژى هه‌ژماره‌كا دزیكه‌ران پێكهاتیه‌ ده‌مێ ب شه‌ڤ ل ده‌مژمیر 12 شه‌ڤ هه‌تا سێ به‌رێ سپێدى كاره‌ب دچوو بازارى ما تاریێ دا ڤان دزیكه‌ران دڤێ ماوێ چوونا كاره‌بێ دزیێن خوه‌ ئه‌نجامدان، لێ نه‌شیا خوه‌ ژ یاسایێ قورتال بكه‌ن هاتنه‌ گرتن".













باسنیوز