لە درێژەی ڕەوتی سێدارەی هاووڵاتییانی کورد لە گرتووخانەکانی ئێران، هاووڵاتییەکی خەڵکی شاری کامیاران لە کرماشان، لەسێدارە درا.

بەپێی ڕاپۆرتی ماڵپەڕی (هەنگاو) دوێنێ چوارشەممە 2017 -2- 22 هاووڵاتیی کوردی خەڵکی شاری کامیاران بەناوی "فەرشید سەجادی ئەسڵ" و تەمەن 28و کوڕی عەزیم لەلایەن دەزگای دادوەریی ئێرانەوە لە زیندانی "دیزڵ‌ئاوا"ی کرماشان لەسێدارە دراوە.

ئەو هاووڵاتییە کوردە ساڵی 2015 لەلایەن هێزە ئەمنییەکانی ئێرانەوە دەستبەسەر و پاشان لەلایەن دەزگای دادوەریی ئێرانەوە بە تۆمەتی "کوشتنی بەئەنقەست" مەحکووم کرا.

لە سەرەتای ساڵی 2017ەوە هەتا ئێستا لە زیندانەکانی ئێران و کوردستانی ڕۆژهەڵات 24 هاووڵاتیی کورد لەلایەن دەزگای دادوەریی ئێرانەوە لەسێدارە دراون.








باسنيوز