بەرپرسی ڕاگەیاندنی ئاسایشی کەرکووک ئاشکرای کرد، ھێزەکانیان تیرۆریستێکی داعشیان لە کەرکووک دەستگیر کردووە، کە بەشداریی لە چەندین شەڕی دژی پێشمەرگەدا کردووە.

(فەرھاد حەمە عەلی) بە ماڵپەڕی فەرمیی پارتی دیموکراتی کوردستانی ڕاگەیاند: ''ھێزەکانیان تیرۆریستێکی داعشیان لە سنووری کەرکووک دەستگیر کردووە، کە پێشتر سەربازی فیرقەی ١٢ی سوپای عێراق بووە و دوای ھاتنی داعش بەیعەتی بە ئەمیری داعش داوە و بووە بە چەکداری ئەو گرووپە تیرۆریستییە.

بەرپرسی ڕاگەیاندنی ئاسایشی کەرکووک گوتی: ''ئەو چەکدارە بەشداریی لە چەندین شەڕی دژی پێشمەرگەەدا کردووە؛ لەوانە، شەڕەکانی مەکتەب خالید و مەلا عەبدوڵڵا و بەشیر و کۆمەڵگەی شەھید.''

(فەرھاد حەمە عەلی) گوتیشی: ''ئەو چەکدارە لە کاتێکدا دەستگیر کراوە، کە ویستوویەتی دزە بکاتە نێو ئەو ئاوارانەی لە حەویجەوە دێن بۆ کەرکووک. بەڵام زانیاریمان ھەبوو، توانیمان دەستگیری بکەین.''
kdp-