تاڤگەی کانی بەست، لەسنووری شارۆچکەی چۆمان، کە بەرزاییەکەی 36 مەتر دەبێت، بەھۆی سەرماو سۆڵەوە بووەتە یەک پارچە بەستەڵەک.



تاڤگەی کانی بەست، لەگوندی وێڵزە، سنووری شارۆچکەی چۆمان، لەلایەن دەستەی گەشتوگوزاری ھەرێمی کوردستان، کە بە بەرزترین تاڤگە لە کوردستان و عێراق دیاریکراوەو بەرزییەکەی 36 مەتر دەبێت.


ئەم تاڤگەیە، سیمایەکی جوان و سەرەنج راکێشی بەناوچەکە بەخشیوە و ساڵانە بەمەبەستی ئەنجامدانی گەشت و سەیران ژمارێکی بەرچاوی گەشتیاران رووی تێدەکەن.



وەک کەسە بەتەمەنەکانی گوندی وێڵزە، بۆ (باسنیوز) ئاماژەیان پێدا، بەھۆی سەرماو سۆڵەی ئەم ساڵ، تەواوی تاڤکەی کانی بەست، بووەتە بەستەڵەک و ھاوشێوەیەی یەک پارچە کریستاڵ دەردەکەوێت، کە ئەمەش چەندین ساڵ دەبێت بەو شێوەیە نەبینراوە.
bas news -