سه‌رۆكی هه‌رێمی كوردستان و سه‌رۆكوه‌زیرانی توركیا له‌ کۆنفرانسی ئاسایشی نێودەوڵەتی میونشن كۆبوونەوە لە کۆبوونەوەکەدا پرسی گۆڕانکاری ناوچەکە و تیرۆر باسکراوە.

ئەمڕۆ یه‌كشه‌ممه‌( 19-02-2017)، كاژێر 13:30ی پاشنیوه‌ڕۆی، مه‌سعوود بارزانی، سه‌رۆكی هه‌رێمی كوردستان و بیناڵی یڵدرم سه‌رۆكوه‌زیرانی توركیا لە میونشن کۆبوونەوە، کەرخی ئاڵتی برماغ، سەرۆکی بزووتنەوەی دیموکراتی تورکمان لە کوردستان رایگەیاند: لە کۆبوونەوە چاوەڕوان دەکرێت پرسی تیرۆر و گۆڕانکاری ناوچەکە و شەڕی مووسڵ باس کرابێت.

ئەمە لە کاتێکدایە، هەر ئەمرۆ بارزانی لەگەڵ نێردراوی تایبەتی سەرۆکی ئەمەریکا و سەرۆکی ئیتلافی ئۆپۆزسیۆنی سوریا کۆبوویەوە.
ئێوارەی رۆژی هەینی 17-2-2017، کۆنفرانسی ئاسایشی جیهانی له‌ میونشن، بە بەشداری 30 سەرۆک و سەرۆکوەزیری وڵاتانی جیهان، 80 وەزیر و زیاتر لە 500 ئەندامی باڵای وڵاتان دەستیپێكرد.













باسنیوز