هێرشێکی فرۆکە ئاسمانییەکان لە شاری "سەنعا"ی پایتەختی یەمەن ٨ کوژراو و ١٠ برینداری لێکەوتەوە.

چەکدارنی حووسی کە کۆنتڕۆڵی شاری سەنعایان بەدەستەوەیە، رایانگەیاند: هێرشەکە لەلاین فڕؤکە جەنگییەکانی سعوودیا و هاوپەیمانانییەوە ئەنجام دراوە، هێزەکانی هاوپەیمان بە سەرۆکایەتیی سعوودیا هێشتا وڵامی ئەم لێدوانەیان نەداوەتەوە.

بە پێی هەواڵە خۆجێیەکان هەموو کوژراو و بریندارانی رووداوکە ژن و منداڵن.

لە جەنگی یەمەندا سعوودیا ئێران بە پشتگیریکردنی حووسییەکان تۆمەتبار دەکات و ئێرانیش رەتی دەکاتەوە.

جەنگی یەمەن لە بەهاری دووساڵ لەمەوەبەرەوە دەستی پێکردووە و زیاتر لە حەوت هەزار چوارسەد کوژرای لێکەوتووەتەوە.
payamner-