لەتەقینەوەكه‌ی‌ شه‌وی‌ ڕابردووی‌ ناوچه‌ی وێرانشه‌هیری سەر بەپارێزگای ئورفا له‌باكوری‌ كوردستان دوو كه‌س كوژران و 16 كه‌س بریندار بوون.

بەپێی ماڵپه‌ری حورییه‌تی توركی، شه‌وی ڕابردوو كاتژمێر 08:45 لەناو باخه‌چی‌ شوقەكانی داواكارانی گشتی لە گەڕەكی یەنیشەهیری ناوچه‌ی وێرانشەهیری تەقینەوەیه‌ك ڕویداوه‌و له‌ئه‌نجامدا دوو كه‌س كوژران و 16 ی‌ تر بریندار بوون.

گونگور عه‌زیم تونا، والی شاری ئۆرفا له‌به‌یاننامه‌یه‌كدا رایگه‌یاندووه‌، ته‌قینه‌وه‌كه‌ له‌ڕێگه‌ی ئۆتۆمبێلی بۆمبڕێژكراوه‌وه‌بووه‌.

ئاماژه‌ی‌ به‌وه‌شكردووه‌، ئه‌و ته‌قینه‌وه‌ له‌لایه‌ن كه‌سێكی ته‌مه‌ن 18 بۆ 20 ساڵییه‌وه‌ ئه‌نجامدراوه‌، دوای وه‌ستاندنی ئۆتۆمبێله‌كه‌ له‌ناو شووقه‌كان به‌كۆنتڕۆڵ له‌دووره‌وه‌ ته‌قێندراوه‌ته‌وه‌.
xandan -