والیی رحا (ئورفە) لە کوردستانی باکوور، پارتی کرێکارانی کوردستان (پەکەکە) بە ئەنجامدانی تەقینەوەکەی شەوی رابردووی شارەکە، تۆمەتبار دەکات.



شەوی هەینی 17.2.2017، ئۆتۆمبێلێکی بۆمبڕێژراو لەبەردەم باڵەخانەی نیشتەجێبوونی دادوەر و فەرمانبەرانی دادگای شاری رحا تەقییەوە و بووە هۆی گیان لەدەست دانی پۆلیسێک و مێرمنداڵێکی 17 ساڵی و برینداربوونی 17 کەسی یکە.



رۆژی شەممە 18.2.2017، گیونگور ئەزیم تون، والیی رحا لە بەیاننامەیەکدا رایگەیاندووە، کە گەنجێکی تەمەن 18- 20 ساڵی ئۆتۆمبێلەکەی لە بەردەم باڵەخانەکەدا راگرتووە و چووەتە دوور و بە کۆنتڕۆل تەقاندوویەتییەوە.



گیونگور ئەزیم تونا هەروەها رایگەیاندووە، کە پەکەکە تەقینەوەکەی ئەنجام داوە و 26 کەسیش بە تۆمەتی بوونی پەیوەندیی بە رووداوەکەوە، دەستگیر کراون.




باسنیوز