نوێنەری ئێزدییەکانی لەپەرلەمانی کوردستان، ئاماژە بەوە دەکات، پارتی کرێکارانی کوردستان، (پەکەکە)، منداڵانی ئێزدی بۆ کاری حزبی و سەربازی بەکاردەهێنن و پەروەردەی بیری توندرەویان دەکەن.



شێخ شامۆ، نوێنەری ئێزدی لەپەرلەمانی کوردستان، بۆ (باسنیوز)گوتی: "پارتی کرێکارانی کوردستان (پەکەکە)لە شەنگال، هەوڵیان داوە منداڵێکی زۆر فریوبدەن بۆ ناو ریزەکانیان، ئامانجی ئەوان ئەوەیە، ئەو منداڵانە هەڵخەڵەتێنن و بیان بەنە ناوڕیزەکانیانەوە".
گوتیشی: "تائێستا زانیاریمان نییە، ئەو منداڵانە بۆ شەڕ بەکارهێنرابن، بەڵام دەزانین لەسەر بیری توندرەوی پەروەردەیان کردوون".



ئەوەشی خستەروو، خەڵک نازانێت بۆ سۆراغی منداڵەکانیان پەنا ببەن بۆ کێ.
bas news -