رێڤەبەرێ‌ کاروبارێن شەهید و ئەنفالكریان ل بارزان دیاركر، موزەخانەك بۆ پاراستنا پاشمایێن شەهیدێن نەمر یێن د شەرێ رێكخراوا تیرۆرستی داعش گیانی خوە كرینە قوربانی بۆ پاراستنا ئاخا و كەرامەتا كوردستانێ‌، هاتە ڤەكرن ودێ‌ پاشمایێن شەهیدان تێدا هێنە پاراستن.

رێبوار رەمەزان، رێڤەبەرێ‌ کاروبارێن شەهید و ئەنفالكریان ل بارزان دیاركر: "ب مەرەما پاراستنا كەل و پەلێن پیشمەرگەی قەرەمان یێن د شەری دژی تیرۆرستێن داعشێ‌ دا شهەید بووینە، موزەخانەك هاتە ڤەكرن. هەموو كەلو پەلێن شەهیدان دێ‌ تێدا هێنە پاراستن وەكو چەك و چەقۆ و رەخت و خۆدیك و مۆبایل و خاولی و جلوبەرك و خەنجەر و چانتە و بەتانی و هەموو جۆرێن دی كەل وپەلێن پێشمەرگەی قەرەمان یێن د شەری دژی تیرۆرستان گیانی خوە كرینە قوربانی بۆ پاراستنا كوردستانێ‌".

خۆیا ژی كر:" ئەڤ موزەخانا دێ‌ مینت دەمێ‌ شاندیێن بیانی سەرەدانا دەڤەرێدكەن بچاڤێن خوە قەرەمانیا شەهیدان ببینن هەروەسا ژی ل پاشەرۆژێنفشێن نوو بزانن پێشمەرگەی قەرەمان گیانی خوە بۆ پاراستنا وان وسەربەخویا كوردستانێ‌ كریە قوربانی".













باسنیوز