پارتی هوداپار كه‌ پارتێكی كوردی ئیسلامییه‌ له‌ توركیا، به‌ فه‌رمی رایانگه‌یاند له‌ ریفراندۆمدا به‌ به‌ڵێ ده‌نگ بۆ سیسته‌می سه‌رۆكایه‌تی توركیا ده‌ده‌ن، چونكه‌ پێیان وایه‌ ئه‌و سیسته‌مه‌ خێری زیاتر بۆ وڵات هه‌یه‌ و باشتره‌ بۆ چاره‌سه‌ركردنی كێشه‌كان.


زه‌كه‌ریا یاپیجیئۆغلو سه‌رۆكی هوداپار له‌ گوته‌یه‌كیدا له‌به‌رده‌م باره‌گای پارته‌كه‌ی، له‌ باره‌ی ریفراندۆمی توركیا بۆ سیسته‌می سه‌رۆكایه‌تی، پشتگیری خۆی بۆ ئه‌و سیسته‌مه‌ ده‌ربڕی و داوای له‌ هاووڵاتیانی كورد كرد به‌ به‌ڵێ ده‌نگی بۆ بده‌ن.


ئه‌و پێی وابوو ئه‌و سیسته‌مه‌ خێری زیاتر بۆ وڵات هه‌یه‌ و چاره‌سه‌ركردنی كێشه‌كانی توركیا له‌ناو ئه‌و سیسته‌مه‌دا ئاسانتر ده‌بێت.


هوداپار پارتێكی كوردی ئیسلامییه‌، له‌لایه‌ن حزبوڵاوە پاڵپشتی ده‌كرێ و ئاكپارتی به‌ هه‌مان شێوه‌ پاڵپشتی ئه‌و پارته‌ ده‌كات. به‌ڵام په‌كه‌كه‌ و هه‌ده‌په‌ زۆر دژی هوداپارن و به‌ خیانه‌تكار و نۆكه‌ریان ناو ده‌به‌ن.
bas news-