پەرلەمانتارێکی دەوڵەتی یاسا باس لەوە دەکات، کە پێشنیازێک هەیە بۆ دابەشکردنی کەرکووک بۆ چوار ناوچەی هەڵبژاردن.



جاسم محەمەد جەعفەر، پەرلەمانتاری ئیئتیلافی دەوڵەتی یاسا، کە نوری مالیکی سەرۆکایەتیی دەکات، رایگەیاندووە، هەرسێ پێکهاتەی تورکمان، مەسیحی و عەرەب بە پێشنیازەکە رازین و نوێنەرانی کوردیش دژی پرۆژەکەن.



جاسم محەمەد جەعفەر هەروەها رایگەیاندووە، کە هەوڵ دەدەن لەرێی ئەو پێشنیازەوە، چارەسەرێک بۆ هەڵبژاردن لە کەرکووک بدۆزنەوە و بارودۆخێکی تایبەت بەو پارێزگایە بدەن، بە زیادکردنی ماددەیەک بۆ یاسای هەڵبژاردن.



بەپێی پێشنیازەکە، رێژەی %32ـی کورسییەکانی ئەنجومەنی پارێزگاکە دەدرێتە هەریەکە لە پێکهاتەکانی کورد، تورکمان و عەرەب و رێژەی %4ـی دەدرێتە ێکهاتەی مەسیحی.



کەرکووک شارێکی کوردستانی باشوورە، زۆرینەی دانیشتووانەکەی کوردن و بە جێبەجێبوونی ئەو پێشنیازە، رێژەی هەرسێ نەتەوە یەکسان دەبێت لە پۆست و بەڕێوەبەرایەتییەکانی پارێزگاکە.








باسنیوز