قائیمقامێ‌ قەزا شنگال دیاركر حكومەتا هەرێما كوردستانێ‌ پلانا ئاڤادانیا شنگال هەیە لێ‌ حكومەتا كوردستانێ‌ دخوازت شنگال بۆ خەلكێ‌ شنگال ئاڤادان بكەت نە بو پەكەكێ‌.

مەحما خەلیل، قائیمقامێ‌ قەزا شنگال دیاركر:" هەتا نۆكە پێنگاڤێن زۆر باش بۆ ئاڤادانیا شنگال هاتینە هاڤێتن و حكومەتا هەرێما كوردستانێ‌ پلانەكا باش بۆ ئاڤادانیا دەڤەرێ هەیە، لێ‌ ئەم دخوازین شنگال بۆ شنگالیان بهێتە ئاڤادانكرن نە بۆ كەسێن بیانی ل سەر ئاخا كوردستانێ‌. شنگال دێ‌ بۆ شنگالیان هێتە ئاڤادانكرن وەكو خەلكێ‌ شنگال حەز بكەن دێ‌ وەسا حكومەتا كوردستانێ‌ دەست ب ئاڤادانیا شنگال كەت".

خۆیا ژی كر:" هەتا نۆكە دۆرا 9 هزار خێزان یێن ڤەگەریاینە دەڤەرا شنگال و خەلكەك حەز دكەت ڤەگەریتە دەڤەری لێ‌ نەوێرن ژبەر هێزیێن نە قانوونی".

مەحما خەلیل گۆت:" شنگالی بتنێ دێ‌ ژپێش خوە ڤە بریارێ دەن وكەسەكی دی نابیت وی مافی بدەتە خوە ژ پێش شنگالیان ڤە بریاران بدەت".







باسنیوز