بەرپرسێ پشكا رەوشەنبیری ل دەستەیا بلندا بنگەهێ‌ لالش یێ‌ رەوشەنبیری و كۆمەلایەتیێ‌ ل دهۆكێ‌ دیاركر ئەڤرۆ 13/2/2017 رۆژیێن خدر ئلیاس و خدر نەبی ل جەم كوردێن ئێزدی دەست پێ‌ كرن هەر كەسەكێ‌ ناڤێ‌ وی ئلیاس بیت یان خدر ڤان رۆژیان دگرت.

شەمۆ قاسم، بەرپرسێ پشكا رەوشەنبیری ل دەستەیا بلندا بنگەهێ‌ لالش یێ‌ رەوشەنبیری و كۆمەلایەتیێ‌ ل دهۆكێ‌ دیاركر:" رۆژیێن خدر ئلیاس وخدر نەبی ئەڤرۆ 13/2 دەست پێ‌ دكەن بۆ ماوەی سێ رۆژان هەر ئێزدیەكێ‌ بڤیت ڤان هەر سێ‌ رۆژیان دگرت هەر كەسەكێ‌ ئێزدی ناڤی وی ئلیاس بیت یان خدر ڤان رۆژیان دگرت. ئەڤ هەر سێ‌ رۆژیێن ئێزدیان نە فەرزن بەلكو خێرن یێ‌ بڤیت دگرت ل رۆژا پینچ شەمبی و ئەینی بیتە جەژنا خدر ئلیاس و خدر نەبی".

خۆیا ژی كر:" ل ڤێ‌ جەژنێ‌ ئێزدی ریزگرتنەكا مەزن ل هەموو تشتەكێ‌ دگرن وەكو ڤان رۆژان سەربر ناهێنە سەرژێكرن و هندەك خۆارنێن تایبەت دهێنە چێكرن.ئێزدی دبیژنێ‌ چەرخووس و حەفت تامێت چاندنی دهێنە قەلاندن و دبیژنێ‌ قەلاتك و ڤان تاما پشتی قەلاندنی دهێرن و دبێژنێ‌ پێخوون".







باسنیوز