قائیمقامێ قەزا شنگال، دیارکر ژێر درووشمێ دووبارە ڤەگەراندنا خزمەتگوزاریان و ئاڤاکرنا ژێرخانەیا ئابۆری شنگال دەست ب ڤەکرنا پرۆژی کارەبی ھاتە کرن، دێ بیتە ئاسانکاری بۆ ڤەگەراندنا شنگالیان.



مەحما خەلیل، قائیمقامێ قەزا شنگال بۆ (باسنیوز)، دیارکر: "ڤەکرنا پرۆژی کارەبێ دبیتە ئێکەمێن پرۆژی ئەستراتیچی ل دەڤەرا شنگال ئەڤ پرۆژە ب ھەڤکار حکومەتا ھەرێما کوردستانی َو رێکخراوا و عێراقی ھاتە بجە ئێنان دێ ژ سکری مووسلێ کارەب ھێتە راکێشان بۆ ناحیا سنوونی و سەنتەرێ قەزا شنگال ئەڤ پرۆژی دێ بیتە ھاندار خەلک ڤەگەرینە سەر مال ومولکێن خوە ل شنگال دەست ب ژیانا خوە بکەن".



خۆیا ژی کر: "ئەڤرۆ 11/2/2017پرۆژە کارەبی ب درێژاھیا 43 کیلومەتران ھاتە راکێشان ژ سکری مووسل بۆ عوینات و زۆراڤا ھەتا دگەھتە سنوونی و شنگال دێ 132 کەی ڤی کارەبێ بەرھەم ئێنت".



مەحما خەلیل گۆت: "سەرەرایی ھەبوونا گەلەک کێشە وئاستەنگە بۆ ئاڤادانیا شنگال و ڤەگەراندنا ژیانێ ل دەڤەری، ئەڤ پرۆژی کارەبی ھاتیە ڤەکرن ژ کارێن سەرەکێ یە بۆ ڤەگەراندنا ژیانێ ل شنگال دێ دووڤدا پرۆژەیێن خزمەتگوزاری یێن گرنگتر ژی ھێنە بجە ئێنان".
bas news-