رێڤەبەریا پەروەردێ‌ ل پارێزگەها دهۆكێ‌ دیاركر ئەڤ سالە دێ‌ چار هزار و 552 قوتابی پێشكداریێ‌ د ئەزموونێن دەستپێكی (تمهیدی)دا كەن، ل رێكەڤتی 19/2/2017 دێ‌ ئەزموون دەست پێ‌ كەن.



خورشید یەحیا، هارێكارێ‌ رێڤەبەرێ‌ گشتی یێ‌ پەروەردێ‌ بۆ كاروبارێن تەكنیكێ‌ ل پارێزگەها دهۆكێ‌ بۆ (باسنیوز) دیاركر: "ل پارێزگەها دهۆكێ‌ 45 بنگەهێن بۆ ئەنجامدانا ئەزموونێن دەركێ‌ دێ‌ هێنە ڤەكرن، رۆژانا ل دەمژمیر دو پشتی نێڤرۆ دێ‌ ئەزموون هێنە كرن و هەموو پێدڤیێن ئەزموونان یێن هاتێنە دابینكرن".



خۆیا ژی كر: "دو هزار و 361 قوتابی ل پشكا وێژەیی ژێ‌ دێ‌ پێشكداریی دێ‌ ئەزمووناندا كەن ئەو ژی ل سەر 27 بنگەهێن ئەزموونان یێن هاتێنە بەلاڤكرن، زێدەبارێ‌ رێژەكا كێم قوتابێن پیشەیی دێ‌ ئێك بنگەهیدا ئەزموونان كەن".



دیاركر: "دو هزار و 191 قوتابی ل پشكا زانستی دێ‌ پێشكداریێ‌ د ئەزموونێن دەستپێكی (تمهیدی)دا كەن بۆ سالا خۆاندنی 2016 و2017 ئەڤ رێژا قوتابێن زانستی ل سەر 26 بنگەهان هاتێنە دابەشكرن".
bas news-