به‌پێی زانیارییه‌كانى چالاكوانێكى كوردى رۆژئاوا، ده‌زگا ئه‌منییه‌كانى سه‌ر به‌ڕژێمى سووریا، "عه‌بدولڕه‌حمان مه‌عی" ناسراو به‌ "ئه‌بو شڤان"، كه‌ ئه‌ندامى لیژنه‌ى ناوه‌ندى پارتى چه‌پی كورده‌ له‌ سووریا، ده‌ستگیر كرد.



ئه‌و سه‌رچاوه‌یه‌، كه‌ نه‌یویست ناوى بڵاو بكرێته‌وه‌، به‌ (باسنیوز)ى ڕاگه‌یاند :" ده‌سه‌ڵاتدارانى ڕژێمه‌كه‌ى ئه‌سه‌د، له‌ فڕۆكه‌خانه‌ى قامیشلۆ (ئه‌بو شڤان)یان ده‌ستگیر كرد".



ڕوونیكرده‌وه‌، سه‌ره‌تا بۆ چه‌ند كاتژمێرێك لێپرسینه‌وه‌یان له‌گه‌ڵ ئه‌ندامه‌كه‌ى لیژنه‌ى ناوه‌ندى پارتى چه‌پی كورد له‌ سوریا كراوه‌، به‌ڵام دواتر به‌ره‌و شوێنێكى نه‌زانراو ڕاپێچ كراوه‌".



ئاماژه‌ى به‌وه‌ش دا، كه‌ "ئه‌بو شڤان" به‌نیاز بووه‌ سه‌ردانى دیمه‌شق بكات بۆ وه‌رگرتنى چاره‌سه‌ر.
bas news-