به‌ڕێوبه‌ری پۆلیسی نه‌هێشتنی تاوانی پۆلیسی‌ كه‌ركوك رایگه‌یاند، به‌یانی ئه‌مڕۆ كارمه‌ندێكیان به‌گوله‌ كوژراوه‌.

رووداوه‌كه‌ له‌كاتی چونی كارمه‌نده‌كه‌ی پۆلیسی به‌ڕێوه‌به‌رایه‌تی‌ نه‌هێشتنی تاوان-دا بووه‌ بۆ سه‌ركاره‌كه‌ی له‌ نزیك به‌ڕێوه‌به‌رایه‌تییه‌كه‌.

عه‌مید ره‌زوان شوكر، به‌ڕێوبه‌ری پۆلیسی نه‌هێشتنی تاوان له‌ كه‌ركوك به‌خه‌ندان-ی وت " كارمه‌نده‌كه‌ی‌ ئێمه‌ دوای‌ ئه‌وه‌ی‌ ته‌قه‌ی‌ لێكراوه‌ ڕاسته‌وخۆ گیانی‌ له‌ده‌ستداوه‌".

ئاماژه‌ی به‌وه‌كرد، تاوه‌كو ئێستا هۆكاری كوشتنه‌كه‌ نازانرێت به‌ڵام لێكۆڵینه‌وه‌كان له‌سه‌ر ڕووداوه‌كه‌ ده‌ستیانپێكردووه‌.